АНУ-ын зүгээс өнгөрсөн хугацаанд Хэнтий аймагт Олон улсын хөгжлийн агентлаг (USAID), Энхтайвны корпус зэрэг байгууллагуудаар дамжуулан олон төсөл, хөтөлбөрийг амжилттай хэрэгжүүлж, тодорхой үр дүнд хүрч буйг танилцуулж, эдгээр ажлуудад орон нутгийн иргэд талархалтай хандаж байгааг илэрхийллээ.

Уулзалтын үеэр талууд хамтын ажиллагааг дараагийн шатанд хүргэж, өргөжүүлэх боломжийн талаар санал солилцлоо.

Тухайлбал, эрүүл мэндийн салбарт дэвшилтэт техник, технологийн хөрөнгө оруулалтыг нэмэгдүүлэх, хүний нөөцийн чадавхыг бэхжүүлэх, Энхтайвны корпусын сайн дурын ажилтнуудын тоог нэмэгдүүлэх, хүний хөгжил рүү чиглэсэн тэр дундаа төрийн албан хаагчдыг мэргэшүүлж чадавхжуулах, сэргээгдэх эрчим хүч, хөдөө аж ахуй болон нийгмийн салбарт төр, хувийн хэвшлийн түншлэлийг хөгжүүлэх чиглэлээр хамтран ажиллах боломжийг хэлэлцэв.

Цаашид дээрх чиглэлүүдээр хамтын ажиллагааг гүнзгийрүүлэн бодит ажил хэрэг болгоход хамтран ажиллахаар тохиролцлоо.