Чингис хотод Зүүн бүсийн Харилцаа холбоо, мэдээллийн технологийн чуулган эхэллээ. Чуулганд салбарын сайд Ц.Баатархүү, УИХ-ын гишүүн Ш.Бямбасүрэн, УИХ-ын гишүүн Б.Жаргалан, Харилцаа, холбооны зохицуулах хорооны дарга Г.Чинзориг болон Хэнтий, Дорнод, Сүхбаатар аймгийн мэдээллийн технологийн салбарын 500 гаруй IT инженерүүд, мэдээлэл технологийн ажилтнууд, мэдээлэлзүйн багш нар оролцож байна.

Салбарын яамнаас Дижитал шилжилт, Цахим аймаг-Ухаалаг хотын тухай нэгдсэн мэдээллийг өгч, цахим аймаг болсноор орон нутгийг ухаалгаар удирдах, технологийн дэвшлийг үр дүнтэй нэвтрүүлж, байгальд ээлтэй, эрүүл аюулгүй хот бий болох, төрийн үйлчилгээг иргэдэд шуурхай чирэгдэлгүй хүргэх, сайн засаглал бүхий хотуудыг бий болгохоор төлөвлөснийг танилцууллаа.