Мэдээ мэдээлэл
АЙМГИЙН ОНЦГОЙ КОМИСС ХУРАЛДАЖ БАЙНА
2025.03.11
Үйл явдлын мэдээ
Цаг үеийн нөхцөл байдалтай холбогдуулан аймгийн онцгой комисс хуралдаж байна. Хуралдаанд ОБЕГ-ын тэргүүн дэд дарга бөгөөд штабын дарга, хурандаа Ц.Ганзориг, УОК-ын нарийн бичгийн дарга, хурандаа Т.Баярхүү, Гал түймэртэй тэмцэх газрын дарга, хурандаа Ц.Нямбаяр нар оролцон ой, хээрийн түймрийн нөхцөл байдалтай холбогдуулан мэдээлэл хийж үүрэг өгөв.Түймрийн дараах сэргээн босгох, өртсөн иргэдэд тусламж, төрийн үйлчилгээг шуурхай хүргэхэд анхаарах шаардлагатайг хэлж, эдгээр чиглэлээр хамтран ажиллахыг хэлэв.
Хөдөлгөөнт эргүүл, хяналтыг эрчимжүүлэхэд онцгойлон анхаарах, ой, хээрийн гал түймрийн эрсдэлийг тогтоох, эрсдэлтэй бүс нутгийн тойм зураглалыг гаргаж, эрсдэл бүхий нутагт байгаа айл өрхийг нүүлгэн шилжүүлэх, хамгаалах зурвас татах арга хэмжээг хэрэгжүүлэхийг анхааруулж, холбогдох байгууллагууд уялдаагаа сайжруулж ажиллахыг анхааруулав. Мөн урьдчилан сэргийлэх, сэрэмжлүүлэх арга хэмжээг эрчимжүүлэн орон нутгийн хэвлэл мэдээллийн хэрэгсэлтэй сайтар хамтарч, иргэдийг мэдээ мэдээллээр хангаж ажиллахыг сануулав. Орон нутгийн бэлтгэл бэлэн байдлыг сайжруулах, чадавхжуулах, бэлэн байдлын үзлэгийг зохион байгуулах, команд штабын төвтэй болж нэгдсэн байдлаар мэдээллийг авах, дамжуулах, онцгой комиссын үйл ажиллагааг зохион байгуулах шаардлагатайг анхаарууллаа.
