Мэдээ мэдээлэл
БАЯНМӨНХ СУМЫН ЗАСАГ ДАРГА Б.ЗОЛЖАРГАЛ ТӨРИЙН БАЙГУУЛЛАГЫН ДАРГА, ЭРХЛЭГЧ НАРТАЙ “ХАРИУЦЛАГЫН ГЭРЭЭ” БАЙГУУЛЖЭЭ
![](https://khentii.mn/wp-content/uploads/2021/03/1920x0/161319266_124101092988984_4001961665278461974_n.jpg)
Өнөөдөр Баянмөнх сумын Засаг дарга Б.Золжаргал эрүүл мэндийн төв, Ерөнхий боловсролын сургууль, Цэцэрлэг, Соёлын төвийн дарга, эрхлэгч нар, Засаг даргын орлогч, ЗДТГ-ын дарга нартай “Хариуцлагын Гэрээ” байгууллаа.
Хариуцлагын гэрээгээр төрийн албан хаагч нь дараах үүрэг хүлээнэ.
1. Аймаг , Сумын Засаг даргын үйл ажиллагааны хөтөлбөрийг харьяа нутаг дэвсгэрийн хэмжээнд сурталчлах биелэлтийг хангах ажлыг зохион байгуулж ажиллах,
2. Албан тушаалын бүрэн эрхээ хэрэгжүүлэхдээ өөрийн ажлын байрны ач холбогдол , гүйцэтгэх үүргийг өндөрсгөн , санаачилгатай байх , аливаа ажил , асуудлыг хууль тогтоомжид заасны дагуу бүрэн гүйцэтгэж , төрийн албан хаагчийн нэр хүндийг эрхэмлэн дээдэлж ажиллах,
3 . Ажлын цагийг баримталж , цаг ашиглалт , ажлын бүтээмжийг сайжруулан ажиллах,
4 . Улс төржилт , талцсан байдлаас ангид байж , байгууллагын нууцад хамаарах болон боловсруулалтын шатанд байгаа мэдээллээс бусад мэдээллийг нийтэд ил тод болгон ажиллах,
5 . Иргэдээс гаргасан өргөдөл , гомдол , санал , хүсэлт , холбогдох байгууллага , албан тушаалтнаас ирүүлсэн бичгийг боломжит хамгийн богино хугацаанд хууль тогтоомжийн хүрээнд судлан шийдвэрлэж , хариу өгч ажиллах ,
6 . Ажлын байранд ажлын цагт , албан томилолтоор ажиллах үедээ согтууруулах ундаа хэрэглэхгүй байх
7 . Төрийн үйлчилгээг үзүүлэх , шийдвэр гаргах , хяналт , шалгалтын ажлыг гүйцэтгэхдээ хөндлөнгийн нөлөөнд орохгүй , авилга ашиг сонирхлын зөрчилд автахгүйгээр зөвхөн нийтийн ашиг сонирхолд нийцүүлэн чин шударгаар ажиллах ,
Гэрээний хүлээх хариуцлага
1 . Төрийн үйлчилгээ үзүүлэх явцад гаргасан хуулийн үндэслэл бүхий аливаа зөрчилд Төрийн албаны тухай хууль болон Хөдөлмөрийн тухай хуульд заасан сахилгын шийтгэл хүлээнэ.
2 . Сахилгын шийтгэл ноогдуулсан талаар олон нийтийн мэдээллийн хэрэгслээр нийтэд мэдээлнэ
БАЯНМӨНХ СУМЫН ЗДТГ Я.УРАНСАЙХАН