Биндэр суманд уламжлал болон зохиодог "Тогорууны баяр-2025" 11 дэх жилдээ зохион байгуулагдлаа

Энэхүү уламжлал болсон “Тогорууны баяр”-т Солонгос, Хятад, Герман гэх мэт олон улсын шувуу судлаачид болон олон улсын жуулчид, нутгийн иргэд өргөнөөр оролцож байна.

Монголд болон дэлхийд ховордож буй цэн тогоруу болон ус намгархаг газрын хамгааллыг нутгийн иргэдтэй хамтран сайжруулах, олон нийтийн мэдлэгийг нэмэгдүүлэх, орон нутаг руу чиглэсэн аялал жуулчлалыг хөгжүүлэхэд ихээхэн ач холбогдолтой юм.

Тус арга хэмжээний үеэр баярт цугларсан олон Биндэр суманд байрлах түүхэн ач холбогдол бүхий аялал жуулчлалын төв болох “ИХ ХУРАЛДАЙ” цогцолборыг үзэж сонирхлоо.

Энэ цогцолбор нь 1206 онд Чингис хаан Их Монгол Улсыг тунхаглан, Их хуралдайг зарласан түүхэн газар дээр баригдсан гэдгээрээ онцлог билээ.