Аймгийн иргэдийн Төлөөлөгчдийн Хурлын дарга бөгөөд гэмт хэргээс урьдчилан сэргийлэх ажлыг зохицуулах салбар зөвлөлийн дарга Б. Цогт-Орших, Аймгийн ИТХ-ын Ажлын албаны Хууль эрх зүй, хяналт, олон нийттэй харилцах хэлтсийн дарга Т.Бямбабаатар нар аймгийн Шүүх шинжилгээний хэлтэст ажиллалаа.

Аймгийн гэмт хэргээс урьдчилан сэргийлэх ажлыг зохицуулах салбар зөвлөлийн 2025 оны төлөвлөгөөнд тусгагдсаны дагуу тус хэлтэст зайлшгүй шаардлагатай өнгөт, фото, принтер, камер зэрэг тоног төхөөрөмжүүд гардуулан өглөө.

Энэхүү дэмжлэг нь гэмт хэргийн ул мөр тогтоох, нотлох баримт цуглуулах, шүүх шинжилгээний үр дүнг шуурхай гаргах нөхцөлийг сайжруулахад чухал ач холбогдолтой юм.

Мөн хэлтсийн өдөр тутмын үйл ажиллагаатай танилцаж, ажилтан албан хаагчдын санал хүсэлтийг сонсон, цаашдын ажилд нь амжилт хүслээ.