“Бүсчилсэн хөгжил – Төрийн албаны манлайлал” зүүн бүсийн зөвлөгөөний хүрээнд зохион байгуулагдаж буй салбар хэлэлцүүлгүүд Чингис хотын дөрвөн байршилд нэгэн зэрэг өрнөж байна.

Хан Хэнтий чуулгын А танхимд “Төрийн албаны хууль тогтоомжийн хэрэглээ” сэдвийн хүрээнд хэлэлцүүлэг явагдаж байгаа бөгөөд хэлэлцүүлэгт төрийн албаны салбар зөвлөлийн дарга, гишүүд болон төрийн захиргааны удирдах, гүйцэтгэх албан тушаалтнууд идэвхтэй оролцож байна.

Хэлэлцүүлгийг Төрийн албаны зөвлөлийн гишүүн Б.Идэрчулуун, ТАЗ-ийн Маргаан хянан шалгах газрын дарга Ч.Бат-Эрдэнэ нар удирдан явуулж, төрийн албаны шинэтгэл, хууль тогтоомжийн хэрэгжилт, хэрэглээ зэрэг сэдвээр мэдээлэл өгч, санал солилцож байна.

Энэхүү хэлэлцүүлэг нь төрийн албан хаагчдын хууль эрх зүйн мэдлэгийг сайжруулах, практикт тулгарч буй асуудлуудыг хэлэлцэж, цаашдын чиг хандлагыг тодорхойлоход чухал ач холбогдолтой юм