Мэдээ мэдээлэл
УИХ-ЫН ДАРГА Д.АМАРБАЯСГАЛАН СУРАГЧИДТАЙ УУЛЗЛАА
2025.03.11
Үйл явдлын мэдээ
Өнөөдөр/2025.03.10/ УИХ-ын дарга Д.Амарбаясгалан Чингис хотод ажиллаж байна. Эхний уулзалтаа ахлах ангийн сурагчдаар эхэлж, санал хүсэлтийг нь нээлттэй сонслоо. Уулзалтанд Хэрлэн сумын ЕБС-ийн 10, 11 дүгээр ангийн 600 гаруй сурагчид оролцлоо. Тэд ЭЕШ-ыг өргөтгөсөн хэлбэрээр авах хугацааг 2028 он хүртэл хойшлуулсан нь суурь мэдлэгээ бататгах, гүнзгийрүүлэн судлах, мэргэжлийн чиг баримжаагаа төлөвлөх хугацаа олгосонд талархаж буйгаа илэрхийллээ. Мөн анги танхим, дотуур байрны хүрэлцээ, ариун цэврийн өрөөний тав тух, интернэтийн хурдны асуудлуудыг ч хөндөв.УИХ-ын дарга Д.Амарбаясгалан сурагчдад тулгарч буй асуудал тэр дундаа дотуур байрны сурагчидтай уулзалт хийж, тулгарч байгаа асуудлуудтай танилцан шийдвэрлэх боломжтой зүйлүүдийг шийдвэрлэхийг аймгийн Боловсролын газрын даргад үүрэг болгов.
