Мэдээ мэдээлэл

“АМЖИЛТЫН ГАРАА” АЙМГИЙН ЗАСАГ ДАРГЫН САНААЧИЛСАН ТӨСЛИЙН УРАЛДААН

2023.03.16

Бид хан хэнтийнхэн Үйл явдлын мэдээ

Хэнтий аймгийн Засаг дарга #Ц_Чогсомжавын санаачилгаар гарааны бизнеснээ эхлүүлж буй залуучуудад эргэн төлөгдөхгүй санхүүгийн дэмжлэг олгох, бизнес санааг нь улсын хэмжээнд сурталчлан таниулах, орон нутагт шинэлэг бүтээгдэхүүн, үйлчилгээг нэвтрүүлэх зорилгоор “#Амжилтын_гараа” төслийн уралдааныг анх удаа зарлаж байна.

Уралдаанд оролцогчдоос шилдгийн шилдэг 2 оролцогч тус бүр 10 сая төгрөгийн эргэн төлөгдөхгүй санхүүгийн дэмжлэг авна.

Уралдаанд хамрагдах үндсэн шалгуур:

• Шинэлэг санаа бүхий гарааны бизнесээ эхлүүлэх гэж байгаа залуус /төсөл/

• Хэнтий аймагт оршин суудаг байх /Багийн Засаг даргын тодорхойлолт/

• Төрөөс олгодог хөнгөлөлттэй зээл тусламжид хамрагдаагүй байх /Тодорхойлолт/

• Банкны хугацаа хэтэрсэн зээлгүй байх

• Орон нутгийн онцлогийг тусгасан, 100 жилийн ойтой уялдсан байвал давуу тал болно.

Зохион байгуулагчид:

• Санаачлагч: Хэнтий аймгийн Засаг дарга Ц.Чогсомжав

• Зохион байгуулагч: Хэнтий аймгийн Засаг даргын Тамгын газар

Материал хүлээн авах хугацаа:

• 2023.03.20- 2023.04.01-нийг хүртэл АЗДТГ-ын 101 тоот өрөөнд хүлээн авна.

Шалгаруулалт:

Хөдөлмөр эрхлэлтийг дэмжих зөвлөл төслийн материалтай танилцаж, эхний 5 төслийг ОНМХ-ээр нээлттэй танилцуулж, шилдэг 2 төслийг шалгаруулна.

Шагналын сан:

• 20,000,000 төгрөг /2 оролцогч тус бүрт 10,0 сая/

Жич: Шалгарсан оролцогч 3 сарын дотор үйл ажиллагаагаа эхлүүлэх бөгөөд санхүүжилтийг зориулалтын дагуу зарцуулаагүй бол эргэн төлүүлж, дараагийн оролцогчид шилжүүлнэ.

Холбогдох утас: 91116109 /С.Оюун-Эрдэнэ/

ХЭНТИЙ АЙМГИЙН ЗАСАГ ДАРГЫН ТАМГЫН ГАЗАР

Хуваалцах Жиргэх