Хэнтий аймгийн хувьд 2 дах жилдээ “Хүүхдийн хөгжил хамгааллын жил” болгон зарлаж байна. Өмнөх онд хүүхдүүдийн сурч боловсрох орчин нөхцөлийг сайжруулахад түлхүү анхаарч ажилласан бол энэ жил өсвөр насны хүүхдүүдийн сэтгэлзүйн болон эрүүл мэндийн боловсролыг дээшлүүлэх сургалтууд, хүүхдүүдэд зориулсан дугуйлан секцийн тоог нэмэгдүүлэх, мэргэжлийн байгууллагуудыг түшиглэсэн хүүхдийн оролцооны байгууллагуудыг байгуулж, үйл ажиллагааг нь дэмжих, ахлах ангийн сурагчдад мэргэжил сонголтоо зөв хийхэд нь тус болох аян зохион байгуулах зэрэг ажлуудад илүүтэй анхаарч ажиллахаар боллоо. Мөн хөгжлийн бэрхшээлтэй хүүхдүүдэд зориулсан виртуал аялал, хүргэлтийн номын сангийн үйлчилгээг ч төлөвлөгөөндөө тусгажээ.

Төлөвлөгөөг боловсруулахдаа иргэдээс авсан нээлттэй санал асуулга, аймгийн ИТХ-ын төлөөлөгчдөөс гаргасан санал, ХТЗ-ийн гишүүн байгууллагуудын санал, хүүхдийн оролцооны байгууллагуудын саналыг үндэслэсэн байна.

Төлөвлөгөөг эцэслэн батлагдсаны дараа бид эргэн мэдээллэх болно.