Аймгийн Засаг дарга Ц.Чогсомжав өнөөдөр 60 жилийн түүхтэй Хэрлэн нэгдүгээр цэцэрлэгийн багш ажилтнуудтай уулзлаа. Энэ оны хувьд улсын төсвөөс Хэрлэн суманд 2 цэцэрлэг шинээр баригдахын нэг нь Хэрлэн нэгдүгээр цэцэрлэгийн 200 хүүхдийн багтаамжтай өргөтгөлийн барилга юм.

Тус цэцэрлэгийн хамт олны хувьд одоогоор 5 настай хүүхдүүдийг бэлтгэл ангид бэлдэх, хичээлийн хоцрогдлын арилгах тал дээр түлхүү анхаарч ажиллаж байна.

Мөн хүүхдүүдийн хэл яриаг засах сургалтуудыг явуулж байгаагаас гадна бие бялдрыг хөгжүүлэх зорилгоор өдрийн хоолны дараа иогоор хичээллүүлдэг аж.Багш ажилтнууд аймгийн Засаг даргатай уулзах үеэрээ "шинэ цэцэрлэгтэй болохыг олон жил хүссэн бөгөөд энэ хүсэл нь биелж байгаа тул өөр хүсэх зүйл байхгүй, илүү хичээж ажиллах үүрэг хариуцлага л оногдож байна" хэмээн ярьж байлаа. Мөн гэнэтийн байдлаар зочилсон аймгийн Засаг даргад талархлаа илэрхийллээ.