Мэдээ мэдээлэл
ТОМУУ, ТОМУУ ТӨСТ ӨВЧНИЙ ДЭГДЭЛТ ӨНДӨР БАЙГААТАЙ ХОЛБОГДУУЛАН ХҮҮХДИЙН НЭГДСЭН ШИНЭ ЖИЛ ЗОХИОН БАЙГУУЛАХГҮЙ
2023.12.21
Манай аймгийн хэмжээнд томуу томуу төст өвчний хүндрэл алаг цоог түвшний дэгдэлттэй байна. Өнгөрсөн 7 хоногт аймгийн эрүүл мэндийн байгууллагуудад 9504 хүн үйлчлүүлсний 6 хувь томуу томуу төст өвчнөөр оношлогдсон бөгөөд нийт оношлогдсон тохиолдлын 88 хувь нь 0-15 насны хүүхдийн өвчлөл эзэлж байна.
Энэ хугацаанд түргэн тусламжийн 406 дуудлага ирснээс 17 хувийг томуу төст өвчний дуудлага эзэлж байна. Цаашид ч ханиад томууны дэгдэлт өндөр байх талаар мэргэжлийн байгууллагуудаас анхааруулж байгаа юм.
Мөн байгаль, цаг агаарын хэт хүйтрэлт, томуу, томуу төст өвчний тохиолдлын тоо нэмэгдэж байгаатай холбогдуулан БШУЯ-аас сурагчдыг олноор цуглуулсан үйл ажиллагааг хориглосон тул Хөгжлийн бэрхшээлтэй хүүхдийн шинэ жил”, “Хүүхдийн Нэгдсэн шинэ жил”-ийг зохион байгуулахгүй боломжгүй болсныг мэдэгдье. Эцэг эхчүүд асран хамгаалагчид та бүхэн бага насны хүүхдүүдээ олон нийтийн газраар дагуулж явахгүй байх, хүүхдүүдийнхээ дархлааг дэмжиж, амны хаалтыг тогтмол зүүлгэж байхыг ЭМГ-аас зөвлөж байна. Ханиад томууны шинж тэмдэг илэрсэн бол дур мэдэн эм тариа хэрэглэхгүй байж, мэргэжлийн эмчид хандана уу.