Мэдээ мэдээлэл

БҮГД НАЙРАМДАХ ЭНЭТХЭГ УЛСЫН ЗАСГИЙН ГАЗРЫН 2023-2024 ОНЫ ХИЧЭЭЛИЙН ЖИЛИЙН ТЭТГЭЛЭГТ ХӨТӨЛБӨРТ ЗАРЛАГДЛАА

2023.05.03
Бид хан хэнтийнхэн Үйл явдлын мэдээ
БНЭУ-ын Засгийн газар, Энэтхэгийн Соёлоор харилцах зөвлөл/ ICCR/-өөр дамжуулан жил бүр манай орны 60 оюутанд сургалтын тэтгэлэг олгодог бөгөөд 2023-2024 оны хичээлийн жилд инженер, мэдээллийн технологи /IT/, архитектур, буддын судлал зэрэг чиглэлээр бакалавр, магистр, докторын зэрэгт суралцах тэтгэлэгт хөтөлбөр зарлагдсан байна.
Тавигдах гол шаардлага:
✅- Бакалавр, Магистр хамгаалах бол 18-30 хүртэлх, Докторын зэрэг хамгаалах өргөдөл гаргагч нь 45 хүртэлх насны иргэн байх
✅- Англи хэлний тодорхой түвшний мэдлэгтэй байх ба англи хэл дээр 500 үгтэй эссэ бичиж ирүүлэх /англи хэлний түвшинг тодорхойлох/ эсвэл TOEFL/ IELTS-ийн оноо авсан сертификатаа хавсаргах
✅- Өргөдөл гаргагч нь эрүүл мэндийн даатгалд хамрагдсан байх
✅- Шинжлэх ухаан, инженерийн чиглэлээр суралцах сонирхолтой өргөдөл гаргагчид дунд сургуульдаа Математик, физик, химийн хичээлд заавал хамтрагдсан байх
✅Бүртгэлийн хугацаа:
http://a2ascholarships.iccr.gov.in/ холбоосоор хандан, хэрэглэгчийн эрх үүсгэн нэвтэрч, цахим өргөдлийг бөглөх, илгээх гарын авлагатай танилцан, өргөдлийг бөглөж 2023 оны 5 дугаар сарын 15-ны дотор онлайнаар илгээнэ.
✅Тэтгэлэгтэй холбоотой заавар, зөвлөмж мэдээллийг Энэтхэгийн Соёлоор харилцах зөвлөл /ICCR/-ийн портал сайт болон Улаанбаатар дахь БНЭУ-ын ЭСЯ-ны reception.ulaan@mea.gov.in руу цахим шуудан илгээх, 70132248 дугаар утсаар авах боломжтой.