Өнөөдөр аймгийн Шуурхай штабын бүрэлдэхүүн дараах асуудлуудыг хэлэлцлээ.

1. Орон нутгийн иргэдээ татан авах бэлтгэл бэлэн байдлыг хангах, Улсын онцгой комиссоос орон нутгийн иргэдийг буцаах шийдвэр гаргавал мөн үеэр мөрдөн ажиллах боловсруулсан журам ,зохион байгуулалт, Улаанбаатар ирсэн иргэдийг гэрийн болон тусгаарлах байранд байлгах нөхцөлийг бүрдүүлэх, хяналтын постуудад асуумж судалгааг журмын дагуу бөглүүлэх асуудлаар хэлэлцэв.

2. Шадар сайдын тушаал ирсэнтэй холбогдуулан орон нутгийн тусгай чиг үүргийн тээврийн хэрэгслийг QR кодоор бүртгүүлж зорчуулахад хүндрэл чирэгдэл үүсэх эсэхийг судлахаар боллоо.

3. Орон нутгийн өргөн хэрэглээний бараа бүтээгдэхүүний үнийг хөөргөхгүй байх чиглэлээр хяналт тавих ажлыг мэргэжлийн байгууллагуудад үүрэг болгов.

4. Өчигдөр аймгийн Засаг дарга төв магистрал зам дагуу гарсан Мөрөн, Жаргалтхаан, Цэнхэрмандал, Багануурын постуудын үйл ажиллагаатай танилцаж явахдаа шинээр байгуулагдсан Багануурын постод Улаанбаатар хотоос Хэнтий аймаг руу хүнсний тээвэр хийж буй жолоочдыг түргэвчилсэн оношлуураар оношилж хариу "эерэг" гарсан тохиолдолд эхний ээлжид авто машинд нь тусгаарлах асуудлыг дэвшүүлсэн. Энэ чиглэлээр шуурхай штаб хэлэлцэж мөрдөн ажиллахаар болов.

5. Бүх нийтийн бэлэн байдалд шилжсэнтэй холбоотойгоор иргэн хуулийн этгээдийн хандивласан бэлэн мөнгө болон эд материалын хандивыг бүртгэж авах, зарцуулах, тайлагнахтай холбогдсон харилцааг зохицуулахаар “Цар тахлын /Covid-19/ үед аймгийн онцгой комиссын үйл ажиллагаанд зориулж, иргэн хуулийн этгээдээс хандивласан хандивын хөрөнгийг хүлээн авах, зарцуулах тайлагнах журам” батлах тухай аймгийн Засаг даргын захирамж гарч, бүх сум, тосгодод хүргэгдэж, мөрдөн ажиллахаар боллоо.

ХЭНТИЙ АЙМГИЙН ЗДТГ