Аялал жуулчлал – Page 5 – Хэнтий аймаг

Хан Хэнтий аймаг байгуулагдсаны түүхт 95 жилийн ойн баяр наадамд айрагдсан морьдын жагсаалт

2018.16.07 Аялал жуулчлал, Бид хан хэнтийнхэн, Боловсрол эрүүл мэнд, Сумдын мэдээ, Үйл явдлын мэдээ, Фото мэдээ admin

Азарга
1. Хэнтий аймгийн Баян-Адарга сумын уяач Д.Мөнхбаярын саарал
2. Хэнтий аймгийн Батноров сумын уяач Х.Алтанхуягийн шарга
3. Хэнтий аймгийн Дархан сумын уяач И.Энхмэндийн шарга
4. Хэнтий аймгийн Баян-Овоо сумын уяач Н.Атарбаярын хээр
5. Хэнтий аймгийн Баянхутаг сумын уяач Отгон-Эрдэнийн буудай

Их нас
1. Архангай аймгийн Эрдэнэмандал сумын уяач Б.Нямдоржийн буудай
2. Хэнтий аймгийн Батноров сумын уяач Дарьхүүгийн хүрэн
3. Хэнтий аймгийн Батноров сумын уяач Х.Алтанхуягийн хул
4. Хэнтий аймгийн Баянхутаг сумын уяач Ч.Түмэндугарын ногоон
5. Хэнтий аймгийн Өмнөдэлгэр сумын Хурх тосгоны Ө.Болдсайханы Хээр

Шүдлэн
1. Хэнтий аймгийн Баян-Адарга сумын уяач П.Сэр-Одын хээр халзан
2. Дорноговь аймгийн Замын үүд сумын уяач С.Ганбаатарын хар шүдлэн
3. Хэнтий аймгийн Баянхутаг сумын уяач Э.Мягмардоржийн зээрд шүдлэн
4. Говьсүмбэр аймгийн Сүмбэр сумын уяач Г.Батбаатарын загал халзан
5. Хэнтий аймгийн Бор-Өндөр сумын уяач Ж.Гомбын зээрд шүдлэн

Соёолон
1. Дундговь аймгийн Цагаандэлгэр сумын уяач Г.Уламбаярын сартай хүрэн
2. Хэнтий аймгийн Хэрлэн сумын уяач Г.Дамдингийн сартай хонгор
3. Хэнтий аймгийн Норовлин сумын Г.Бямбасүрэнгийн Хонгор
4. Хэнтий аймгийн Дархан сумын Ш.Отгонжаргалын шарга
5. Хэнтий аймгийн Баянхутаг сумын уяач У.Түмэндугарын хүрэн

Хязаалан
1. Дундговь аймгийн Цагаандэлгэр сумын уяач Г.Уламбаярын хээр
2. Сүхбаатар аймгийн Түмэнцогт сумын уяач Т.Галбадрахын хар халзан
3. Хэнтий аймгийн Баян-Овоо сумын уяач Н.Атарбаярын хээр
4. Хэнтий аймгийн Баянхутаг сумын уяач Б.Болдбаатарын хонгор халзан
5. Сүхбаатар аймгийн Түмэнцогт сумын уяач Г.Эрдэнэбаатарын халиун

Даага
1. Дорнод аймгийн Халх гол сумын уяач Б.Бүдрагчаагийн Хонгор даага
2. Өвөрхангай аймгийн Хархорин сумын уяач Д.Жавхаасайханы Жанжин бор
3. Хэнтий аймгийн Галшар сумын н.Батмөнхийн зээрд
4. Сүхбаатар аймгийн Түмэнцогт сумын Энхбатын зээрд халзан
5. Төв аймгийн Аргалант сумын Ч.Доржбатын сартай хонгор

Хан Хэнтий аймгийн 95 жилийн ой тохиож байна

2018.6.07 Аялал жуулчлал, Бид хан хэнтийнхэн, Сумдын мэдээ, Үйл явдлын мэдээ, Фото мэдээ admin

Эзэн Чингис хааны өлгий нутаг Хан Хэнтий уулын аймаг байгуулагдсаны түүхт 95 жилийн ой энэ жил тохиож байна. Тиймээс аймгийн удирдлагууд түүхт ойгоо өргөн дэлгэр тэмдэглэхээр бэлтгэл ажлаа эртнээс хангаж эхэлсэн юм. Юуны түрүүнд 1978 оноос хойш их засвар хийгдээгүй байсан төв цэнгэлдэх хүрээлэнгээ орон нутгийн төсвийн 140 сая төгрөгөөр шинэчлэн засварлалаа. Үүнд гадна засал болон үзэгчдийн суудлыг солих, зам талбай, тохижилтын ажлыг хийснээс гадна наадмын талбайн зүлэгжүүлэлтийн ажилд нилээд ач холбогдол өгсний үр дүнд зүлэг ногоон дэвжээг жинхэнэ утгаар нь ургуулжээ.

Энэ удаагийн наадмын гол онцлог нь нээлтийн үйл ажиллагааг өндөр хэмжээнд, үзүүштэй байдлаар зохион байгуулах явдал юм. Тиймээс Чингис хааны үеэс эхлэн одоог хүртэлх Монголчуудын түүхийг урлагаар дамжуулан харуулах бөгөөд нээлтэд 120 гаруй хүн, 30 морьтон оролцоно. Мөн цэрэг хүчний байгууллагынхан, төрийн дээд одон медалиар шагнагдсан алдартнууд, үндэстэн ястны төлөөллүүд, хүүхдүүд баярын жагсаалд алхах юм байна. Эдгээр нээлт хаалтын арга хэмжээнд зориулж Монгол Улсын Төрийн соёрхолт, Урлагийн гавьяат зүтгэлтэн, найруулагч, бүжиг дэглээч Сэвжидийн Сүхбаатарыг урьж дэглүүлжээ.

Түүнчлэн Хэнтий аймгийн Дархан сумын уугуул МҮОНТ-ийн нэвтрүүлэгч , Монгол Улсын соёлын гавьяат зүтгэлтэн Шагдаржавын Бямбацогт, МҮОНТ-ийн нэвтрүүлэгч МУСТА Б.Гантигмаа нар наадмын үйл ажиллагааг хөтлөн явуулах юм.

Мөн наадмын талбайд лед дэлгэц байрлуулж морины уралдааныг мэргэжлийн морь тайлбарлагчаар тайлбарлуулж шууд дамжуулан хүргэхээр төлөвлөөд байгаа бөгөөд 95 жилийн ой гэдэг утгаараа эхний 95 морийг барьж урамшуулна.

Орой нь урлаг соёлын одуудыг урьж “Чингисийн үдэш” шоу тоглолтыг зохион байгуулахаар төлөвлөжээ. Гол нь иргэдийгээ үзэж харах зүйл ихтэй, өв соёлоороо бахархаж омогшихоор тийм сайхан наадмыг зохион байгуулахаар аймаг орон нутгийн удирдлагууд сэтгэл нэгдэн ажиллаж байна.

Тулгар төрийн 2227 жил, Их Монгол Улс байгуулагдсаны 812 жил, ардын хувьсгалын 97 жил, Хэнтий аймаг байгуулагдсаны 95 жилийн үндэсний их баяр наадмын хөтөлбөр

2018.6.07 Аялал жуулчлал, Бид хан хэнтийнхэн, Боловсрол эрүүл мэнд, Бүтээн байгуулалт, Сумдын мэдээ, Үйл явдлын мэдээ, Фото мэдээ admin

7 дугаар сарын 12-ны өдөр

10.00 Аймгийн Музейн үзэсгэлэн /Сэцэн ханы ордон музей, Орон нутаг судлах музей/

11.00 “Хан Хэнтий-95” шинэ уран бүтээлийн үзэсгэлэн /”URLAN ART” галерей/

11.00 Урианхай сурын харваа /насанд хүрэгчид- эрэгтэй/ /Сурын талбай/

14.00 Халх сурын харваа /хүүхэд- эрэгтэй, эмэгтэй/ /Сурын талбай/

14.00 Хэнтий аймаг байгуулагдсаны 95 жилийн ойн баярын хурал, хүндэтгэлийн тоглолт /Хан Хэнтий чуулга/

7 дугаар сарын 13-ны өдөр

07.00 Азарга уралдааны замд гарна /Морь барианы газар/

09.00 Шагайн харваа /Цэнгэлдэх хүрээлэн/

10.00 Аймгийн Музейн үзэсгэлэн /Сэцэн ханы ордон музей, Орон нутаг судлах музей/

10.00 Азарга барианд ирнэ /Морь барианы газар/

10.30 Хэнтий аймаг байгуулагдсаны 95 жилийн ойн баяр наадмын нээлтийн үйл ажиллагаа /Цэнгэлдэх хүрээлэн/

11.00 Их насны морьд уралдааны замд гарна. /Морь барианы газар/

11.00 “Хан Хэнтий-95”шинэ уран бүтээлийн үзэсгэлэн /“URLAN ART“ галерей/

11.00 Халх сурын харваа /Нээлт/ /Сурын талбай/

12.00 Үндэсний бөхийн барилдааны 1-ийн даваа /Цэнгэлдэх хүрээлэн/

12.00 Шагайн харваа /Нээлт/ /Цэнгэлдэх хүрээлэн/

12.00 “Наадам-2018” шатрын нээлттэй тэмцээн /Цэнгэлдэх хүрээлэн/

13.00 Их насны морьд барианд ирнэ /Морь барианы газар/

14.00 Шүдлэн насны морьд уралдааны замд гарна /Морь барианы газар/

15.00 Халх сурын харваа үргэлжилнэ /Сурын талбай/

16.00Үндэсний бөхийн барилдааны 2-ын даваа /Цэнгэлдэх хүрээлэн/

16.00 Шүдлэн насны морьд барианд ирнэ /Морь барианы газар/

20.00 Баяр наадмын шоу тоглолт /Чингисийн талбай/

7 дугаар сарын 14-ний өдөр

07.00 Соёолон насны морьд уралдааны замд гарна /Морь барианы газар/

09.00 Халх сурын харваа үргэлжилнэ /Сурын талбай/

09.00 Шагайн харваа үргэлжилнэ /Цэнгэлдэх хүрээлэн/

10.00 Аймгийн Музейн үзэсгэлэн /Сэцэн ханы ордон музей, Орон нутаг судлах музей/

10.00 Соёолон насны морьд барианд ирнэ /Морь барианы газар/

10.00 Үндэсний бөхийн барилдаан 3,4-ийн даваа /Цэнгэлдэх хүрээлэн/

11: 00 “Хан Хэнтий-95” шинэ уран бүтээлийн үзэсгэлэн /”URLAN ART”галерей/

11.00 Хязаалан насны морьд уралдааны замд гарна /Морь барианы газар/

13.00 Хязаалан насны морьд барианд ирнэ /Морь барианы газар/

14.00 Даага уралдааны замд гарна /Морь барианы газар/

14.00 Үндэсний бөхийн барилдаан 5,6,7-ын даваа /Цэнгэлдэх хүрээлэн/

16.00 Даага барианд ирнэ /Морь барианы газар/

16.00 “Сайхан наадамчин” шалгаруулах тэмцээн /Цэнгэлдэх хүрээлэн/

17.00 Шөвгөрсөн бөхчүүд, эрхий мэргэн харваачид, шагайн харваачдад цол олгож айрагдсан морьдыг цоллож, бай, шагнал гардуулна /Цэнгэлдэх хүрээлэн/

19.00 Үндэсний бөхийн үзүүр, түрүү бөхийн барилдаан /Цэнгэлдэх хүрээлэн/

19.30 Баяр наадмын хаалтын ажиллагаа /Цэнгэлдэх хүрээлэн/

БАЯР НААДМЫГ ЗОХИОН БАЙГУУЛАХ ХОРОО

Ц.Чогсомжав: Хэнтий аймаг байгуулагдсаны 95 жилийн ойг өргөн дэлгэр зохион байгуулна

Хан Хэнтий уулын аймаг байгуулагдсаны түүхт 95 жилийн ойн баяр наадам долдугаар сарын 13, 14-нд болно. Ойг зохион байгуулах комиссын даргаар аймгийн Засаг даргын орлогч Ц.Чогсомжав ажиллаж байна. Тиймээс ойн хүрээнд хийгдэж буй ажлуудын талаар тодруулж ярилцсанаа тоймлон хүргэе.

ХА-ын 95 жилийн комисс хэдэн хүний бүрэлдэхүүнтэй вэ? Хэдэн удаа хуралдаж, ямар ямар төлөвлөгөө гаргасан бэ?

“Хан Хэнтийчүүд та бүхэндээ энэ өдрийн мэндийг дэвшүүлье. Бид бүхэн түүхт ойгоо өргөн дэлгэр тэмдэглэхээр эртнээс бэлтгэл ажлаа хангаж эхэлсэн. Аймгийн Засаг даргын 3 дугаар сарын 14-ний өдрийн захирамжаар баяр наадмыг тэмдэглэн өнгөрүүлэх 5-10 хүний бүрэлдэхүүнтэй 15 салбар хороог байгуулж, комиссын даргаар миний бие томилогдсон. Энэ хугацаанд ажлын хэсгийг бүрэлдэхүүнээр нь 4 удаа хуралдуулснаас гадна салбар хороод тус бүртэй хуралдаж, хийх ажлуудаа нарийвчлан төлөвлөөд ажлаа эхлээд явж байна.

Энэ жилийн ойг ямархуу байдлаар зохион байгуулахаар төлөвлөж байна вэ?

Жил бүр төрийн байгууллагын албан хаагчид баярын жагсаал хийдэг байсан. Энэ удаад тийм зүйл байхгүй. Төрийн албан хаагчид маань ч гэсэн иргэдтэй адил суудалдаа суугаад наадмынхаа нээлтийг гэр бүлийнхээ хамт үзэх боломжтой. Харин нээлтийн үйл ажиллагааг өндөр түвшинд зохион байгуулахын нээлт хаалтын салбар хороо, урлаг соёлын салбар хороонд даалгасан. Мөн наадмын талбайд лед дэлгэц байрлуулж иргэдэд морины уралдааныг мэргэжлийн морь тайлбарлагчаар тайлбарлуулж шууд дамжуулан хүргэхээр төлөвлөөд байна. Мөн 95 жилийн ой гэдэг утгаараа эхний 95 морийг барьж урамшуулна.

Наадмын бэлтгэл ажил хэр хангагдаж байна.

Наадмын бэлтгэл болгож, 140 сая төгрөгийн төсвөөр цэнгэлдэх хүрээлэнгийн засварын ажлыг хийж байна. Үүнд гадна засал болон үзэгчдийн суудлыг засварлах, зам талбай, тохижилтын ажлыг хийх, нойлын асуудлыг шийдэх зэрэг ажлууд орсон. Улсын баяр наадмын дараа болж байгаа тул ирэх зочид гийчдийн тоо нилээд нэмэгддэг. Тиймээс аймгийнхаа өнгө үзэмжид анхаарах зорилгоор зам талбайгаа засах, хайш хашлагаа будах, гэрэлтүүлгүүдийн бүрэн асаах, гэр хорооллын өнгө үзэмжид ч анхаарч байна. Мөн хотоо хоггүй цэвэр цэмцгэр байлгахаар байгууллага ААН-үүдийг их цэвэрлэгээнд гаргана. 15 салбар хороод маань төлөвлөгөөгөө гаргаад ажлаа эхлүүлээд явж байгаа. Гол нь иргэдийгээ үзэж харах зүйл ихтэй, өв соёлоороо бахархаж омогшихоор тийм сайхан наадмыг зохион байгуулна гэдэгт сэтгэл нэгдэн ажиллаж байна.

Ойг угтан хийж буй ямар ажил, бүтээн байгуулалт байна вэ?

Бид энэ онд 22,3 тэрбум төгрөгийн бүтээн байгуулалтыг хийхээр төлөвлөсөн. Үүнд төрийн 6 байгууллага буюу Татварын хэлтэс, Цагдаагийн газар, Авто тээврийн газар, ХХҮГ, Стандарт хэмжилзүйн газрын барилгыг шинээр барин, ашиглалтад оруулна. Мөн 7,3 тэрбум төгрөгөөр Чингис хот, Дэлгэрхаан, Цэнхэрмандал, Өмнөдэлгэр сумдад 120-200 ортой хүүхдийн цэцэрлэгийн барилгууд Хэрлэнбаян-Улаан, Хурх тосгоны сургууль, цэцэрлэг, дотуур байрын барилгын их засварууд 216 сая, Бор-Өндөр Дархан, Дэлгэрхаан, Жаргалтхаан, Бэрх, Хурх тосгоны соёлын төвийн барилгын их засварууд 939 сая, Баянхутаг сумын спорт заал 750 сая, Онон голын төмөр бетон гүүрийн засвар 2,4 тэрбум, Хурх тосгоны Эрүүл мэндийн төвийн барилгын дээврийн их засвар 45 сая төгрөгийн ажлууд тус тус хийгдэнэ. Саяхан хүүхдийн баярын өмнө Баянмөнхийн цэцэрлэгт хүрээлэнг төрийн болон ТББ-ын дэмжлэгтэйгээр шинэчлэн засварлаж ашиглалтад орууллаа. Ийнхүү бүтээн байгуулалт, хөгжил дэвшил, цэцэглэлтээр дүүрэн сайхан жил өрнөж байна.

Үндэсний спортын 6-р Их наадамд биндэр сум тэргүүллээ

2018.4.07 Аялал жуулчлал, Бид хан хэнтийнхэн, Боловсрол эрүүл мэнд, Сумдын мэдээ, Үйл явдлын мэдээ, Фото мэдээ admin

Монголын үндэсний спортын төрлүүд, уламжлалт тоглоом, зан үйл, ёс заншил, соёлыг өсвөр үеийнхэнд өвлүүлэн сургах, гадаадын жуулчид судлаачдад сурталчлан таниулах, үндэсний спортоо хөгжүүлэх зорилготой Үндэсний спортын 6-р Их наадмын анхан шатны аймгийн аварга шалгаруулах тэмцээнийг “Их хуралдай” чуулсан “Монголын нууц товчоог бичиж дуусгасан Дэлгэрхаан сумын нутаг Хэрлэнгийн хөдөө аралд зохион байгууллаа. Нээлтэд аймгийн Засаг дарга Н.Ганбямба тэргүүтэй албаны хүмүүс оролцсон бөгөөд “Монголын нууц товчоо”-г цэнгүүлэх ёслолын арга хэмжээгээр эхэлсэн юм.

Уг тэмцээн Үндэсний сур, Урианхай сур, Буриад сур, Жороо морины уралдаан, Ширээний шагай, Шагайн харваа, Уран уургач, Уран бугуйлч, Эмнэг сургагч гэсэн спортын төрлүүдээд явагдсан бөгөөд нийт 16 сум 3 тосгоны тамирчид өрсөлдснөөс багийн нийлбэр дүнгээр 1-р байранд Биндэр сум, 2-р байранд Жаргалтхаан сум, 3-р байранд Дэлгэрхаан сумын баг тамирчид шалгарчээ.

Чингис хотод 6 сарын 25-ны өдөр зохиогдсон “Ардын урлагийн их наадам” болон энэ удаагийн Үндэсний спортын 6 дугаар их наадмын нэгдсэн шалгаруулалт 8 сарын 11-15-ны өдрүүдэд Улаанбаатар хотноо болох бөгөөд аймаг бүрээс шалгарсан шилдгүүд өрсөлдөх юм байна.

“ТОГОРУУНЫ БАЯР-2018” Биндэр суманд 6 дугаар сарын 27-нд болно

2018.26.06 Аялал жуулчлал, Бид хан хэнтийнхэн, Бүтээн байгуулалт, Сумдын мэдээ, Үйл явдлын мэдээ, Фото мэдээ admin

Жил бүр Биндэр суманд уламжлал болон зохион байгуулагддаг Олон улсын Тогорууны наадам энэ жил 2018.06.27-нд зохион байгуулагдана.

10.00 цагт: Нээлтийн ажиллагааа /Тогорууны хөшөө бүхий талбайд/
10.30 цагт: – Байгаль хамгаалах хуулийн сурталчилгаа
– ТХГН-ийн сурталчилгаа
– Рамсар, ай сав газрын тухай сурталчилгаа
– Шувууны талаарх сургалт
– Дэлхийн тогорууны тухай лекц др. Жорж Арчибалд
– Монгол орны тогоруу, ус намгархаг газрын хамгааллын тухай др. Н. Цэвээнмядаг
– Цэн болон Өвөгт тогорууны тухай баримтат кинонууд
11.00 цагт: Буриад дуу, хөгжмийн бэсрэг тоглолт
– Хүүхдийн зураг, эссе бичлэгийн уралдаан
11.30 цагт Бэсрэг наадам:

Үндэсний бөх
Сурын харваа (эр, эм)
Дааганы уралдаан
Шагай харваа (багаар, цуваагаар)

13.00 цагт :Хос морьтон шалгаруулах тэмцээн (сайхан морь, тоног хэрэгсэл, үндэсний хувцас)
– сувинерын үзэсгэлэн худалдаа
14.00 цагт: Саадтай морин уралдаан
– Аха танин мэдэхүйн тэмцээн
16.00 цагт: Хаалтын үйл ажиллагаа
22:00: Галын наадам /Онон голын эрэгт/

Эвийн өргөө энхийн гүйлт 2018

2018.5.06 Аялал жуулчлал, Бид хан хэнтийнхэн, Боловсрол эрүүл мэнд, Сумдын мэдээ, Үйл явдлын мэдээ, Фото мэдээ admin

Үндэсний эв нэгдлийг бэхжүүлж, эх орноо хайрлан хамгаалах үзэл санааг Монгол хүн бүрийн зүрх сэтгэлд хүргэх зорилготой “Эвийн өргөө Энхийн гүйлт 2018”-ын галт бамбар манай аймагт хүрэлцэн ирлээ.

Энэхүү энхийн гүйлт нь АНУ-аас гаралтай бөгөөд 5 тивийн 150 гаруй улс орны ард иргэдийг хамруулсан эв нэгдэлд уриалсан томоохон арга хэмжээ болдгоороо онцлогтой. Энэ жилийн энхийн гүйлтийн Ази номхон далайн орнуудын маршрут нь Непал улсын Покара хотоос 2-р сард эхэлж ОХУ-ын Томс хотноо 7-р сард өндөрлөх бөгөөд нийт 20 улсын 20000 гаруй км замыг туулна.

Манай улс анх 1995 онд галт бамбарыг хүлээн авсан бөгөөд түүнээс хойш 2 жил тутам зохион байгуулж дэлхийн улс орнуудын найрамдал нөхөрлөлийг бэхжүүлэх үйлсэд хувь нэмрээ оруулж байгаа юм.

Өсвөр үеийн улсын аварга шалгаруулах хөнгөн атлетикийн тэмцээнд Хэнтий аймгийн баг тамирчид мөнгөн медаль хүртлээ

2018.15.05 Аялал жуулчлал, Бид хан хэнтийнхэн, Боловсрол эрүүл мэнд, Сумдын мэдээ, Үйл явдлын мэдээ, Фото мэдээ admin

Монголын Хөнгөн Атлетикийн Холбооны 2018 оны “Өсвөр үеийн Улсын Аварга шалгаруулах хөнгөн атлетикийн тэмцээн”-д Монгол улсын өнцөг булан бүрээс 19 аймаг 4 дүүрэг нийт 25 багийн 400 гаруй тамирчид хурд хүч авхаалж самбаагаа сорьсноос, багийн нийт дүнгээр 1-р байранд Дархан-Уул аймаг, удаах байранд Хэнтий аймаг , 3-р байранд Булган аймаг тус тус шалгарлаа.

Энэхүү тэмцээнийг Алтан гадас одонт, ахмад багш Л.Ичинхорлоогийн нэрэмжит болгон аймгийн ЗДТГ, Монголын хөнгөн атлетикийн холбоо, аймгийн БТСГ хамтран зохион байгуулсан юм.

“Өсвөрийн сэтгүүлч клуб”-ынхэнтэй уулзлаа

2018.15.05 Аялал жуулчлал, Бид хан хэнтийнхэн, Боловсрол эрүүл мэнд, Засаг дарга, Сумдын мэдээ, Үйл явдлын мэдээ, Фото мэдээ admin

Аймгийн Засаг дарга Н.Ганбямба сумдын “Өсвөрийн сэтгүүлч клуб”-ын төлөөлөл болсон 40-өөд хүүхэд багш нарын хамт хүлээн авч уулзлаа.

Эдгээр хүүхдүүд нь сэтгүүлч болох хүсэл эрмэлзэлтэй, сум орон нутагтаа мэдээ мэдээлэл бэлтгэх, сайн үйлсд уриалан дуудах нөлөөллийн арга хэмжээг явуулдаг 9-12 дугаар ангийн хүүхдүүд юм. Уулзалтын үеэр аймгийн Засаг даргаас сонирхсон асуултдаа хариулт авч, халуун дотно яриа өрнүүлсэн бөгөөд сэтгэгдэл өндөр байгаагаа илэрхийлж байлаа.

Аймгийн Засаг даргын ивээл дор “Яргуй” хүүхдийн урлагийн их наадам 2 дах жилдээ амжилттай зохион байгуулагдлаа

Хэнтий аймгийн Засаг даргын ивээл дор аймгийн Гэр бүл, хүүхэд, залуучуудын хөгжлийн газраас зохион байгуулагддаг “Яргуй” хүүхдийн урлагийн их наадам 5 дугаар сарын 9-нөөс 11-ний хооронд Чингис хотод зохион байгуулагдаж нийт 17 сумын 23 ЕБС-ийн 950 орчим хүүхэд оролцлоо.
Наадам 11 төрлөөр явагдсан бөгөөд төрөл тус бүрд алт мөнгө хүрэл медаль, мөн тусгай байруудын эздийг шалгарууллаа.
Мөн нийт оноогоор 9, 12 жилийн сургалттай сургуулиудаас шилдэг сургуулиудыг шалгаруулдаг бөгөөд дараах сургуулиуд шагналт байранд шалгарлаа.
9-жилийн сургууль:
3 дугаар байр: Галшар сумын ЕБС /320 оноо/
2 дугаар байр: Мөрөн сумын ЕБС /377 оноо/
1 дүгээр байр: Жаргалтхаан сумын ЕБС /418 оноо/
12 жилийн сургууль:
3 дугаар байр: Бор-Өндөр сумын “Бор-Өндөр” цогцолбор сургууль / 511 оноо/
2 дугаар байр: “Тэмүүжин” цогцолбор сургууль /651 оноо/
1 дүгээр байр “Эрдэм баян” Хэрлэн 4 дүгээр /662 оноо/ сургуулиуд тус тус шалгарлаа.
Наадмын шилдэг багшаар “Тэмүүжин” ЦС-ийн бүжгийн багш Д.Ариунбадрал, Мөрөн сумын дуу хөгжмийн багш А.Баяртуяа, Галшар сумын дуу хөгжмийн багш Г.Майнбаяр нар тодорлоо.
Энэ жилийн наадмын шилдгийн шилдэг “Гран при” шагналтнаар “Тэмүүжин” Цогцолбор сургуулийн 12Б ангийн сурагч Дашнямын Маргад /эстрад дуу/ тодорлоо.

Наадмын хамтран зохион байгуулагчаар Ардын дуу бүжгийн Хан Хэнтий чуулга, дэмжигчдээр УИХ-ын гишүүн Д.Гантулга, АЗДТГ, БСУГ, ДЗМОУБ Бор-Өндөр 2 хөгжлийн хөтөлбөр, тус тус ажилласан бөгөөд мөн энэ жилийн наадмыг Хэнтий аймаг үүсгэн байгуулагдсаны 95 жилийн ойн арга хэмжээтэй давхцаж байгаагаараа онцлог болсон юм.
Наадмын Ерөнхий шүүгчээр Ардын дуу бүжгийн Хан Хэнтий чуулгын дууны багш, хөгжмийн зохиолч, МУСТА Б.Энхбаяр, шүүгчээр Монгол улсын төрийн соёрхолт, Урлагийн гавъяат зүтгэлтэн, бүжиг дэглээч Сэвжидийн Сүхбаатар, МУГЖ, Улаанбаатар чуулгын уртын дуучин Г.Хонгорзул, Монгол улсын Консерваторийн дуулаачийн тэнхимийн эрхлэгч, МУСТА н.Чинзориг, Гэр бүл хүүхэд Залуучуудын хөгжлийн газрын дарга Б.Энх-Эрдэнэ нар ажиллалаа.

Category : Аялал жуулчлал